Veidigidigi ena na 2014 e dei tikoga

E vakaraitaka na Paraiminisita ni noda vanua o Commodore Voreqe Bainimarama ni na dei tikoga na navunavuci ni matanitu oqo ena na kena vakayacori na veidigidigi ena yabaki 2014.

E vakalasuya o Commodore Bainimarama na i tukutuku e kaburaka na i liuliu vakacegu ni Katolu ni Mataivalu (3FIR) ko Ratu Tevita Uluilakeba Mara ena nona tiko vaka dro mai Tonga Matanisiga.

E kaya o Mara ni e sega ni tuvatuva ni Matanitu me na yaco na veidigidigi ena 2014.

"Au sa kaya tikoga yani oqo ni na yaco nai tuvatuva ni matanitu oqo ena 2014, ka na sega ni dua na ka ena daro," e kaya o Commodore Bainimarama ena nona veitalanoa kei na FijiLive ena talevoni ena yakavi edai.

"E cava e dou sa rui vakarogoci koya kina (Mara), e sega ni dau rairai o koya me kila na ka me na yaco mai muri, e vaka walega na gone lailai na nonai vukivuki," E kaya o Commodore Bainimarama.

E tiko vakadro ko Mara mai Tonga ni oti na nona vakavodoki ena Waqa ni Mataivalu E Wai ni Tonga ena Ra kei Kadavu ena macawa sa oti.

E rau beitaki tiko ko Mara kei Brigadier General Pita Driti, e dua talega na i vakalesilesi vakacegu e cake ena Mataivalu ni Viti ena nodrau tauca na vosa e vakavuna na tiko yavavala (sedition) kei na 'mutiny'.

E dodonu me na rairai ki na mataveilewai  ena 30 ni Vula oqo ko Mara,  ko Driti e na rairai tiko ena i matai ni siga ni vula o June.

Vola ko Maciu Bolaitamana