Cakacaka vata ki na dua na Viti vou: PM

Ena nona dolava na soqo levu ni ka 40 ni yabaki ni kena vakananumi na noda sa mai tu vaka galala vei Peretania, e kaya na Paraiminisita ni noda vanua ko Voreqe Bainimarama me na cakacaka vata ki na navunavuci vou ni Viti vou sa tu e matada.

Ra osota na lewe ni vanua, qase kei na gone, ira na vakaitutu e cake ena noda matanitu kei ira na mata ni vei matanitu tani na rara levu na Albert Park ena Koroturaga ena mataka edai na kena mai dolavi na macawa balavu ni vakacagicagi ka marautaki talega kina na  noda sa tu vaka galala mai vei Peratania.

E kaya o Bainimarma ni sa kena gauna dina me da sa cuqena vata na cakacaka ni matanitu e tu taka na veimaliwai vinaka kei na veivakasaututaki ni tamata yadudua ena noda vanua lomani.

Era soli vukivuki talega na noda mataivalu e vanua vaka kina na mataivalu e wai ena kena marautaki na dolavi ni soqo.

Ena marautaki tiko na siga Moniti nai ka 10 ni Okotova na kena vakananumi na kena a tu galala mai kina ko Viti mai vei Peretania e na yabaki 1970.

Vola ko Maciu Bolaitamana