Vakanuinuivinaka mai o Amerika ena i ka 40 ni yabaki ni tu galala

Sa vakauta mai na nona vakanuinuivinaka na Peresitedi ni vanua ko Amerika ko Barack Obama ena kena sa mai cabeti na ka 40 ni yabaki ni nona tu vakagalala ko Viti mai vei Peratania.

E kaya o Obama ni ka taleitaki vua na nona vanua na sala ni veiwakeni e tiko kei Viti ka sa nuitaka ni na vuavua e drau na nona vei mataka.

E kaya talega ko Obama ni sa tu vakarau na nona vanua kei na nona veiliutaki me na vakaqaqaco taka na veiwakani oqo.

Era osota na  Koroturaga na gonevuli kei na lewenivanua ena nodra maji e na lomai Suva kei na mata bani ni Mataivalu e vanua kei na mataivalu e wai ena kena mai tekivu taki na marautaki ni macawa balavu ni vakacagicagi oqo.

E dolava na Turaga Paraiminista Ko Voreqe Bainimarama na kena marautaki na i ka 40 ni yabaki ni noda tu vakagalala ena mataka edai e na Albert Park.

E a tu vakagalala ko Viti mai vei Preatania ena i ka 10 no Okotova 1970.

Vola ko Maciu Bolaitamana