.gif)
Rau coqa mate e rau lewe rua e na noda gaunisala mai na yasayasa vaka ra e na macawa oqo.
Ra vakadeitaka na ovisa ni a mate e dua na turaga yabaki 55 na gauna e coqai koya kina e dua na lori mai na koro ko Naviyago mai Lautoka.
Kaya na gusu ni vosa ni ovisa Suliano Tevita ni a dabe toka ga na turaga oqo e na bati ni gaunisala na gauna e yaco kina na leqa oqo.
Sa vakatarogi tiko na turaga oqo mai vei iratou na ovisa se cava e vu ni leqa.
Mai Tavarau, Ba, e mate e dua na draiva yabaki 50 na gauna e draiva tiko kina ka sega ni lewa rawa na vanua e gole kina na nona lori nib era ni mai coqa.
Na i ka tolu ni mate e yaco mai na koro ko Lawaki, Tailevu na gauna e lade kina e dua na marama yabaki 39 mai na dua na motoka na gauna e toso tiko kina.
Tukuni ni a cicivaki e na valenibula e Korovou ia a mani mai leqa ni oti e dua na bogi baleta ni bibi ni mavoa e uluna.
Sa kerekere tiko na tabana ni ovisa me da qaqarauni vinaka na gauna e da vakayagataka tiki kina na noda gaunisala.
