.gif)
Era cavuta na ovisa e 26 na teitei ni mariwana e na colo kei Nadroga kei Navosa, ka vakabauti ni tiko na kena isau vakailavo ena 100 na milioni na dola.
Kaya ko turaga ni ovisa levu, Komadoa Esala Teleni, ni ra sikita na veiteitei oqo na ovisa ena vitu na siga sa oti.
E kuria ko Teleni ni vakayacori tale tikoga na vakaqaqara ena so na teitei mai Vanua Levu, Rewa, Tailevu kei Tacirua e Suva.
”Ia, e sa tiko sara ga e cake na tei mariwana e Nadroga kei Navosa,” e kaya ko Teleni.
Tukuna ko Teleni ni ra vesuka talega na ovisa e vica na draiva ni lori ka kune ni ra vakaitavi tiko ena vakadewataki mariwana kina vei koro vakavavalagi.
