.gif)
Sa tiko na nakinaki ni matanitu me na soli wale na vola ni vuli kivei ira na gonevuli ena paraimiri ena yabaki 2010.
E tiko talega na inakinaki me na vakatetei na ituvatuva oqo kivei ira na vuli ena vakatagedegede na “secondary” ena yabaki 2012.
Oqo e muria tiko na gagadre ni matanitu me sa na kua ni saumi na vuli ena noda vanua.
Sa tekivuna oti na Tabana ni Vuli na nodra vakailavo taka na nodra vodovodo ki koronivuli na gone.
Kaya na Minisita ni Vuli ko Filipe Bole ni na digitaki na koronivuli me ra vukei taumada ka nanumi me ra na vukei na vo ni koronivuli ena paraimiri ena 2011.
