Lusi na i taukei ni bulumakau: Seruilagilagi

August 17, 2009 09:42:59 AM

• A⁺ 
• A^-
• |
• 
• |
• 
• |
• 

E ra vakataroga tiko na taukei ni bulumakau mai Tailevu se lako i vei na nodra bulumakau na gauna e ra a mai kau kina ka laurai vei ira na mate na brucellosis.

Kaya na jemeni ni nodra soqosoqo na taukei ni bulumakau (Tailevu Dairy Cooperative Association), Josefa Seruilagilagi ni sega madaga ni ra se waraka tikoga e dua na i vakamacala mai na minisitiri ni teitei e na noda vanua.

“Na ka ga keimami rogoca tu o’ya ni mai kau na neimami bulumakau ki na abattoir mai nakaciwa, ra vakamatei ka qai volitaki na lewena.

“O’ya kevaka e laurai vei ira na mate qo na brucellosis, vakacava ko ira na bulumakau e ra sega ni tauvimate? E sa volitaki beka? Ke sa volitaki, ivei na kena i lavo, kevaka e sega, ia sara lako i vei na bulumakau?”

Kaya o Seruilagilagi ni sebera ni dua na i sau e gole vei ira na i taukei ni bulumakau ka ra sa lusi sara tu ga e na gauna oqo.
 
E taukena tiko na i soqosoqo e rauta ni 200 na bulumakau ia e sa lutu na i wiliwili oqo kin a 150.

“Keitou waraka tikoga na minisitiri se cava sa nodratou lewa mai. E sega ni se dua na ka e tukuni mai ka keitou rerevaka vakalevu de na qa sega tale ni dua na bulumakau e vo.”

Sebera ni dua na i vola i tukutuku mai na minisitiri ni teitei.