Sa kerea na matanitu vua na lotu Wesele e na noda vanua, me saga madaga me ra vueti cake vakayalo na lewe ni lotu ka me kua soti ni kau cake mai na ka vaka politiki.
Vakadeitaki talega mai ni sa na vatarai na lotu Wesele me na vakayacori e vica na nodra bose kei na veisisivi sere na vula oqo.
Ia e kaya na gusu ni vosa ni matanitu Neumi Leweni ni ra na vakatarai ga o ira na talatala e na bose ni vula qo.
“E tiko ga o ira na i talatala e ra sa digitaki tu me ra tiko e na bose ka na sega ni wili kina o ira e tiko na nodra i naki vakapolitiki,” kaya ko Leweni.
Na veisivisivi sere e vakatarai ga e na vei valenilotu.
Na noa, e ratou a rairai e na mataveilewai na Peresitedi ni lotu Ame Tugaue, vunivola levu Tuikila Waqairatu kei na vica tale na i talatala beitaki e na kena basuku na lawa ni leqa tubu koso.
FIJIAN NEWS
Tukuni vua na lotu me qarava nona i tavi
Post a Comment
Email this Story
Print this Story
Posted Comments
No comments, but you can post the first comment! FijiLive Comes To You:
