Cavuraki e $3 na milioni na vu ni maruwana

August 13, 2009 12:56:51 PM

• A⁺ 
• A^-
• |
• 
• |
• 
• |
• 

E ra cavuraka na ovisa e vica vata na vu ni maruwana e tiko na kena i sau vakailavo e na $3 na milioni mai na yasana o Navosa.

Tukuni ni ra a cavucavu mai na ovisa mai na ono na i teitei.

Kaya na gusu ni vosa ni ovisa Atunaisa Sokomuri ni ra a veivuke e so na lewe ni koro e na kena cavuraki na maruwana.

Kaya ni se bula sara tu ga na veivoli ni maruwana e na vanua oqo me vaka ni dau totolo sara na kena rawa mai na i lavo e na vei korokoro e Navosa.

Vakaraitaka talega o Sokomuri ni totolo cake na veivatorocaketaki e na nodra bula na vei korokoro oqo mai Navosa, mai vei ira na veikorokoro e ra tu na baravi mai Nadroga ka ra vakararavi tu e na saravanua.

E na macawa sa oti ga, e ra cavucavu mai Kadavu na ovisa kei na sotia, ka vakabauti ni volitaki sara tiko mai na koroturaga na maruwana.

”E dina ga ni i lavo levu e kauta mai na maruwana, e ra tara na nodra vale lelevu, e ra volia na nodra motoka, ia sara wili tiko vaka basu lawa.” e kaya ko Sokomuri.