.gif)
Se ratou yali tikoga e na wasawasa mai Tonga na 93 e ratou a vodo tiko na waqa na Princess Ashika na gauna e luvu kina na macawa sa oti.
Vakadeitaki mai ni se vakayacori tikoga na vaqaqara e na wasawasa ka vabauti ni titobu sara na vanua e luvu kina na waqa oqo, ka dau taukena tu e liu na Patterson Brothers.
Tukuna na i liuliu ni tabana ni ovisa mai Tonga Sokopeti To'ia ni sa toso cake na I wiliwili ni yali e wasawasa mai na 141 ki na 149.
Mai na wiliwili oqo, e 54 e ra valabulai mai, rua na yago ni mate, ka se yali tug a qo e 93.
Rau kune matemate tu e dua na turaga ni Peritania vakaitikotiko mai Niusiladi kei na dua na marama ni Tonga.
Vakaraitaka talega ko To'ia ni rawa ni na tubu na wiliwili ni tamata e ra se yali tiko na gauna oqo.
E a biubiu na Ashika mai na koroturaga, o Nukualofa me gole ki na so na yanuyanu e na vualiku ki Tonga e na siga Vukelulu sa oti ka mai leqa koso e na bogi levu ni siga tikoga o’ya.
E ra yaco main a dau nunu ni mataivalu e wai mai Ositerelia kei Niusiladi me ra lai veivuke e na kena vaqarai na yagodra e ra yali.
