.gif)
Kaya na turaga Peresitedi vakacegu Ratu Josefa Iloilo ni na biuta na veiliutaki e na noda vanua e na liga ni veiqaravi nuitaki.
Vakaraitaka na Tui Vuda vei ira na tiko e na soqo ni veitalatala ni marautaka vakalevu na nona vakacegu ni kila tiko ni sa solia oti tu na i vakaro me vakayacori na veika kece e sa vakarautaki tu e na People’s Charter.
Kaya ni sega ni na rawarawa na noda veigauna mai muri ia sa vakatau vua na tamata yadudua me ra vakabauta na matanitu qo.
Tukuna talega ko Ratu Iloilo ni vinakata me dua na Viti vinaka ka nuitaka talega me ra tokona na lewe ni vanua na veisau namaki me na vakayacori mai.
Solia talega na Tui Vuda na nona veivakadonui kei na vakanuinui vinaka vua na nona I sosomi.
