.gif)
E ra vinakata na turaga ni vanua mai na yasana ko Lau me veivuke na matanitu e na kena vakaduri e so na bisinisi lalai me kua kina ni valalai na veiyanuyanu.
Me vaka ga na veidela ni yavu e na noda vanua, e ra sa valalai tiko mai e na vuku ni kena vakatoroi cake na vuli kei na vaqara cakacaka.
Vakaraitaka na jemeni ni matabose ni yasana o Lau Ratu Tevita Rokoului Mara ni na gadrevi kina e so na veivuke vakamatanitu.
“Na ka e dredre kina na tikina oqo, o’ya na kena yawa na veiyanuyanu mai na veivanua ni cakacaka kei na vuli toro cake.
“Ni ra sa mai cakacaka na noda gone e na veivanua ni cakacaka e so, sa lala main a yanuyanu baleta ni ra sa mai tug a,” e kaya ko Rokoului.
Tomana ka kaya ni sotakaya tale tikoga na leqa oqo o ira mai na yasana o Kadavu kei na veiyanuyanu e Lomaiviti.
