Veilewai e tolu na talatala

July 29, 2009 02:48:15 PM

• A⁺ 
• A^-
• |
• 
• |
• 
• |
• 

Sa vakaroti e tolu na talatala meratou kua ni tiko ena dua na soqoni vakalotu ena macawa oqo.

Rairai ena mataveilewai e Suva e nanoa ko Talatala Sakaraia Koli, Talatala Apete Toko, kei Talatala Kalivati Ravoka, ka solia kina vei iratou na ivakaro ko Turaga ni Lewa Eparama Rokoika.

Eratou lewai vata kei Ratu Inoke Seniloli kei Livai Tuisagavere, e rua ka cakacaka ena vale ni volavola ni Lotu Wesele.

Eratou beitaki tiko ena talaidredre kina lawa ni leqa tubu koso.

Kaya ko Rokoika ni na dikeva ena Vakaraubuka na nodratou kerekere na beitaki, oya me vakamatatataki na veisoqoni e vakataraya na mataveilewai meratou na tiko kina.

Tukuna ko Rokoika, me yacova na gauna koya, sa vinaka cake mera kua ni tiko ena dua soqoni vakalotu.