.gif)
Sa tekivu na vakavakarau ena nodra talaci na turaga Peresitedi mai na matanitu kei na mataivalu ni oti na nodra veiqaravi yabaki walu.
Vakaraitaka na vunivola tudei ena vale ni volavola ni Peresitedi ko Rupeni Nacewa ni sa vakadikeva tiko na vale ni volavola ni Paraiminisita na matalailai ni soqo ni veitalatala.
E kaya ni na vakayacori na veitalaci vakavanua, kei na kena ka vakaivalu baleta ni liuliu levu ni mataivalu na Peresitedi.
E se bera tiko ni vakadeitaki na tiki ni siga me na vakayacori kina na soqo e rua oqo.
Kainaki ni ra sa vakavakarau tale tikoga na lewe ni vanua vakaturaga ko Vuda ena nodra sa na la’ki tiko tudei e Viseisei na Turaga na Tui Vuda.
Kaya ko Nacewa ni namaki me na vakamatanitutaki na nodra vakacegu mai na nodra itutu na Peresitedi ni oti na nodra gade macawa va.
