.gif)
E tubu na marau kei na kaila ena rara lailai ena Robertson Road e Suva ni ra sa veisoqovi na marama kei na turaga ena yasana vakaturaga e Lau.
Tekivu na soqo ena veiqaravi vakavanua kina vulagi dokai na turaga lailai mai Vuanirewa, ka jeameni talega ni Matabose ni Yasana ko Lau, ko Ratu Tevita Uluilakeba Mara.
E dolava ko Ratu Tevita na bose siga tolu ni matabose ni bera ni tekivu na vakatasuasua, kei na basa.
Kaya ko Ratu Tevita kina FijiLive ni ra na veitalanoataka na mata ni veitikina mai Lau na veivakatorocaketaki ena nodra vanua kei na veivuke ni matanitu.
E kuria ni se ia tikoga na veivosaki kei na so mai vanuatani me baleta na kena voli e dua na waqa me veiqaravi ena nodra yasana.
E vakavinavinakataki ira na marama kei na turaga mai Lau ko Ratu Tevita ena nodra cakacakavata kei na veitokoni.
