.gif)
Sega ni marautaka na Vunivalu kei Rewa ko Ro Epeli Mataitini na kena usuraki tikoga me vakayacori e Lomanikoro na koniferedi.
Kaya ko Ro Epeli ni sa dau vakayagataki na vanua me rawa na lomadra na dau ni politiki kei na so na lewe ni Lotu.
E kaya ni vakayagataki na Marama Na Roko Tui Dreketi ko Ro Teimumu Kepa ena nodra sasaga mate wale e so na talatala me saqati kina na I vakatulewa ni matanitu me sa daro na bose vakayabaki ni Lotu Wesele ena vula mai oqo.
Tukuna ko Ro Epeli ni sega ni dodonu me veiwakitaki na vanua, matanitu kei na Lotu.
E sa vakasala ko koya kina lewe ni vanua ko Rewa kei na Lotu me ra rokova na vakatulewa ni matanitu ka vakasaqara tale eso na gaunisala me rawa kina na I naki ni koniferedi me vaka na kumuni lavo.
Sa veilewaitaki ko Ro Teimumu kei na vica na talatala liu ni Lotu Wesele ena veibeitaki ni nodra sega ni rokova na lewa ni matanitu.
