Yavu ni Vakavulewa vou me ganita noda bula

July 21, 2009 12:54:10 PM

• A⁺ 
• A^-
• |
• 
• |
• 
• |
• 

Varau me na tauyavutaki e dua na noda Yavu ni Vakavulewa vou me ganita na noda bula e na gauna e dai.

Vakaraitaka na Paraiminisita Voreqe Bainimarama ni na saga mada e liu na matanitu me tara cake na noda bula vakailavo e na loma ni tolu na yabaki mai oqo ni bera ni na dewa yani kina Yavu  ni Vakavulewa.

Vosa tiko o Bainimarama mai na soqo ni Asia-Pacific Institute for Broadcasting Development mai Nadi e na noa.

Kaya tale ni na Yavu ni Vakavulewa vou e na rawa kina ni tautauvata na noda dodonu kece na lewe ni vanua, rawa ni ra veidigidigi na gone kevaka e ra sa yacova na yabaki 18, ka na buli e so na gaunisala vou me yadravi kina na cakacaka vakailoa e na veitabana ni matanitu.

Kuria ka kaya ni na veitalanoataki talega na i wiliwili ni minisita e na loma ni noda Palimedi.

Vakadeitaki talega mai ni na vakayacori na veidigidigi e na Seviteba ni 2014.