.gif)
Vakarau vakaduri e dua na lawa viu ka vakatarai kina me ra vakawati na gone yalewa kei na cauravou na gauna e ra yacova kina na yabaki 18.
E na lawa e vakaduri koto e liu, e ra vakatarai na gone yalewa me ra vakawati e na yabaki 16 ka 18 vei ira na tagane.
Kaya na vunilawa Aiyaz Sayed-Khaiyum ni na lawa makawa oqo e vakatarai ira tiko na gone e na noda vanua me ra vakawati totolo.
E kaya ni qo e sega ni lako vata kei na lawa ni matabose kei vuravura e na nodra dodonu na gone.
“Na kena tosoi cake na yabaki ni bula ni vakawati, e na vakalailai taki na kena ra vakawati totolo na noda gone.
“Na ka talega e vinaka kina na lawa oqo, o ya na kena tarovi na nodra volitaki na noda gone yalewa, ka sa vakayacori tiko e na so na vanua,” e kaya o koya.
