Vakadikeva ko Rewa Dairy na sucu mai Tailevu

July 13, 2009 03:24:21 PM

• A⁺ 
• A^-
• |
• 
• |
• 
• |
• 

Vakadeitaka na kabani na Rewa Dairy Co-operative ni ratou vakadikeva tiko vakamalua na kena dewa tiko na mate na brucellosis e na kedra maliwa na bulumakau mai Tailevu.

Se ratou taura tikoga na i wiliwili ni bulumakau e ra tauvi mate.

Na Vakaraubuka sa oti e a laurai e 337 na bulumakau ka mai na i wiliwili oqo, e 282 e tiko vei ira na mate.

“E sivia e 40 na pasede na sucu e loba tiko mai na vei bai ni bulumakau mai Tailevu, o ‘ya mai Wainivesi, Waimaro kei na vica tale e ra tiko mai Korovou.

“E levu duadua na sucu e ratou vakarautaka tiko mai o Tailevu ka keitou sa qarauna sara tiko na gauna oqo me kakua ni loba na sucu mai vei ira na bulumakau e ra tauvimate tu,” e kaya na i liuliu ni Rewa Dairy Ratu Savenaca Seniloli.

“Na gauna oqo keitou kauta tiko mai na sucu e na vei bai ni bulumakau e sega ni tu kina na mate oqo,” e kaya tale ko Seniloli.

Vakaraitaka na vunivola liu ni tabana ni teitei, Dr Richard Beyer ni na veivuke na matanitu vei ira na vaka bai ni bulumakau e ra lusi vakalevu na gauna e dewa mai kina na mate oqo.