.gif)
E sa dua dina na soqo marautaki ka vakaciriloloma talega na nodra a sotasota mai na gonevuli vuli oti na Levuka Public mai Ovalau.
Ra gole main a veiyasai vuravura ka me ra marautaka na kena sa mai yabaki 130 na koronivuli rogo levu oqo.
E dua taucoko na macawa na kena yaco tiko na veivakamarautaki oqo.
E na Lotulevu sa oti, e a sikova na koronivuli o Joy Clark kei George Gibson, e rau qasenivuli vakacegu mai kea.
Ra gole talega na lai sikova na nona i bulubulu na turaga sa bale na Tui Levuka, Ratu Kolinio Rokotuinaceva mai na koro ko Vuma.
Kaya na qasenivuli liu e LPS Samuela Wailevu ni ra marautaka talega na gone vuli na soqo ni kena vakananumi na duri ni koronivuli.
“Keitou marautaka talega ka vakavinavinaka vakalevu vei ira na gone vuli oti e na nodra loma soli e na so na i yaya ni koronivuli,” e vakaraitaka ko Wailevura la
“Dina ga ni 341 na levu ni gonevuli e LPS, e koronivuli liu tiko vei ira kece na koronivuli e na wasewase e loma.”
Tukuna na i liuliu ni soqo Matthew Robinson ni rauta ni 100 na gone vuli oti e ra yaco yani na Lotulevu ka levu tale e ra mai marautaka na i ka 80 ni nodrau siga ni sucu o Clark kei Gibson.
E ra a maji e loma ni taoni na noa, yaco sara ki na rara e LPS, na vanua e vakayacori kina na veimarautaki ni siga ni sucu.
Na porokaramu e dai, namaki me ra na qito e na rara ni koronivuli, vakasigalevu e na koro ko Rukuruku ka ra na mai vakayakavi e na otela makawa na Royal.
