.gif)
E ra yaco yani valewelevu na lewe i Nadi i taoni e na kena dola n soqo levu na Bula na Vakarauwai sa oti.
E dau vakayacori na veiyabaki na soqo oqo me vaka na soqo ni Adi Senitoa e Suva, ka vitu na kena ranadi e ratou na valataka na i tutu ni Adi Bula na yabaki oqo.
Kaya na i liuliu ni soqosoqo ni soqo na Bula, Mohammed Hafiz ni a tekivu na soqo ni rauta e 48 na yabaki sa oti.
“Sa dau veivuke sara vakalevu na soqo oqo e na kena ra dau vukei vakailavo o ira na matavuvale e sega ni ra rawati ira vinaka.
“Na yabaki oqo keitou takete taka tiko e $120,000 ka nuitaki tiko me na vakayagataki e na veivakatorocakeraki e vuqa,” kaya ko Hafiz.
E na yabaki sa oti ga e solia na soqosoqo e $28,000 e na kena vakavinaka taki na Namaka Health Centre.
Tukuna ko Hafiz ni yaga me ra yaco yani vakalewelevu ka vaka matavuvale e na kena marautaki na soqo levu oqo.
