.gif)
E vesu yabaki lima e dua na tagane ka butakoca e $30 mai vua e dua na draiva ni lori ni madrai e na yabaki sa oti. ka viriki watina.
Tukuni ni a viriki Sarojni Lata talega ka dabe tiko e loma ni motoka, ka mani vakavuna saran a nona mate.
E vakadinadina taka o Setefanu Nausu, 32, na cala ni butako kei na veivakamatei e sega ni nakiti.
E yaco na ka oqo e na Evereli ni yabaki sa oti.
Tukuni ni butakoca mai e $30 mai vei Kishore Kumar na gauna e kele tu kina na lori mai Colo-i-Suva.
Ni oti ga na nona viriki Sarojni, tarova tale o koya e dua na motoka ka butakoca tale na draiva.
Kaya o turaga ni lewa Daniel Goundar ni a vakayacora o Nausu na cala oqo na gauna e mateni tu kina.
