Vaqaqai na kabani ni i taukei

July 06, 2009 01:17:26 PM

• A⁺ 
• A^-
• |
• 
• |
• 
• |
• 

Sa tekivu me vaqaqai na kabani liu ni i taukei, na Fijian Holdings.

Oqo e sala muria ga na nodra vakacegui tu vakawawa na jemeni Isoa Kaloumaira kei na manidia liu Sereana Qoro.

Vakaraitaka na gusu ni vosa ni matanitu Neumi Leweni ni ra vagalala taki na i liuliu ni kabani me rawa ni vakayacori na veivaqaqai.

Kaya talega ni tu na i tavi ni matanitu me taqomaka na nodra i lavo na lewe vuqa e ra vaka curu i lavo tu e na FHL.

Vakaraitaka na vukevuke ni jemeni Iowane Naiveli ni dina ga ni na vakayocara tiko na veivaqaqai e na tomani tiko ga na ndoratou qaravi tavi.

E na veiliutaki tiko e na gauna oqo o Mariana Saumadu, na vunivola levu ni kabani.

Vabauti ni na veivaqaqai oqo e tekivu ni oti na kena a kacivaka na kabani me volia na nodratou bisinisi ni waiwai na BP South West Pacific Ltd’s e Viti kei na Pasifika, ka tiko na kena i sau vakailavo e sivia na $190 million.

E tauyavu taki na FHL e na 1984 as me vukea kina na nodra bula vakailavo na i taukei.

E ra tauri sea tu e na FHL na matabose ni veiyasana e 14, na Matabose ni Qele Maroroi, Tabacakacaka i Taukei, na vei tikina kei na vei koro kei na vuqa na matavuvale i taukei.