Levu na bukete ni gonevuli: Minisita

June 23, 2009 03:03:29 PM

• A⁺ 
• A^-
• |
• 
• |
• 
• |
• 

E kauwai na tabana ni vuli ena levu ni goneyalewa ka vakabuketetaki ena sereki ni vuli kei na gauna ni sotasota vaka koronivuli.

Kaya na Minisita ni Vuli ko Filipe Bole ni sotasota ni qito me vaka na Coca Cola Games kei na soqo ni Adi Senitoa e gauna ka dau levu kina na nodra veilasamaki na gonevuli ka la’ki tini sara ena bukete.

Kaya ko Bole ni sega walega ni levu na bukete, e laurai ni toso cake talega na wiliwili ni kisi ni mate dewa ni veiyacovi me vaka na tona. 

Sa vakasala na Minisita vei ira na gone vuli me ra qaqarauni ka mera vakasamataka vinaka na nodra digidigi baleta ena vakaleqa na nodra veigauna mai liu.

Sa kerei tale tikoga na tubutubu kei na dau ni veiqaravi mera volekati ira na luvedra ka kauwai ena veika era vakaitavi kina ena veigauna kece.