Vamatei o Prakash: Ovisa

June 23, 2009 11:41:14 AM

• A⁺ 
• A^-
• |
• 
• |
• 
• |
• 

E ra vakadeitaka na ovisa ni a vakamatei o Shalesh Prakash, 40, ka kunei na yagona e na dua na tolo ni gaunisala mai Waibau, Naitasiri, na Sigatabu sa oti.

Oqo ni oti na kena a kune mai Nakasi e na noa na motoka ni kabani e a draiva taka tiko.

E rua na luvei Prakash ka dau cakacaka tu e na kabani na Rups ni bera ni mai yaco na leqa oqo.

Vakaraitaka na gusu ni vosa ni ovisa Atunaisa Sokomuri ni kunei ni a vakelei tu vakaca na motoka na DD409.

Namaki me ra na vakatarogi o ira na tiko volekati koya mai Nadawa ia e sebera ni dua e se vesu mai.

Kune tu na yagoi Prakash na mataka ni Sigatabu ka sa mamavoavoa tu.

E ratou kidacala taka na nona matavuvale na i tukutuku oqo.

Vabauti ni na vakayacori na veisele vaka vuniwai e dai me laurai na vu ni mate nei Prakash.