.gif)
Sega ni vakaibalebale e dua na veitalanoa e ra na vakayacora na vei matanitu e na Pasifika kei Ositerelia kei Niusiladi kevaka e yali kina o Viti.
E kaya na veika oqo na noda vunilawa Aiyaz Sayed-Khaiyum e na kena a mai vakacavari mai Samoa e na noa na veitalanoa ni veisolisoli kei na veivuke e na keda maliwa na lewe ni veiyanuyani ni Pasifika.
E vakacegui tu vakawawa ko Viti mai na Pacific Islands Forum e na kena sega ni vakayacori na veidigidigi, ka sega kina ni rawa ni vakaitavi e na veivosaki mai Samoa.
Ia e kaya na vunilawa ni dua na i tavi levu e vakayacora tiko o Viti me vaka ni toka saraga e loma ni Pasifika ka bibi sara na nona veitaratara kei na vo ni yanuyanu volekata.
Kaya ni leqataka talega ni sa via suguraka ga mai o Ositerelia kei Niusiladi na nodrau gagadre ka sega ni vakasamataki vinaka na ka e ra vinakata na vo ni Pasifika.
