.gif)
E rairai e na mataveilewai e cake e dai na Turaga na Qaranivalu Ratu Inoke Takiveikata ka beitaki ni a saga me vakamatei na i liuliu ni mataivalu Voreqe Bainimarama kei na so na nona minisita.
Ratou beitaka tiko na tabana ni veibeitaki vakamatanitu ni a saga o Takiveikata kei na lewe vitu tale me vakayacori na veika oqo e na yabaki 2007.
Sa tosoya ko turaga ni lewa Daniel Goundar na kisi ki na i ka tolu ni Okosita ka me na vakatulewa e na kena kacivi mai e so na i vakadinadina.
Ia e kauta cake mai na loya nei Takiveikata, Akuila Naco me ra bokoci na veibeitaki vua.
E a curu e vale ni vei vesu o Takiveikata e na 2007 ka mani sereki tale ni oti na kena a mai bokoca na Fiji Court of Appeal na veibeitaki vua.
