.gif)
E vakaraitaki ena dua na ripote ni matanitu ko Amerika ni ko Viti e se vanua tikoga ni volitaki gone kei na yalewa saumi ki vanua tani.
E kainaki ena ‘US State Department Report 2009’ ni sa maka ca tiko ko Viti baleta ni sega ni vakaraitaka ni sa vakayacora tiko e dua na ka me tarova sa walia kina na leqa oqo.
Tukuni ni 17 taucoko na matanitu, oka tiko kina ko Viti, e ra na sega ni ciqoma na veivuke ni vanua ko Amerika ena vuku ni nodra maka ca.
Era wili vata kei Viti na matanitu ko Saudi Arabia, Kuwait, Cuba, Iran, Myanmar, North Korea, Papua New Guinea, Sudan kei Syria.
Kaya na ripote ni ra sa kau tani mai na lawalawa oqo, baleta ni ra sa maka vinaka, na matanitu ko Qatar, Oman, Algeria kei Moldova.
Tukuna ko Hillary Clinton na bisinisi butobuto ni volitaki tamata e roboti vuravura ka sa dodonu me muduki.
