Tini ca na gunu, mate e dua na gonevuli

June 14, 2009 06:27:46 PM

• A⁺ 
• A^-
• |
• 
• |
• 
• |
• 

E mai mate tu vakasakasaka e dua na cauravou na gauna e gunu tiko kina na nona i lala ka lutu e na dua na taqe ni wai.

Yaco na leqa oqo mai na koro ko Raralevu mai Tailevu e na bogi.

Tukuni ni gonevuli ni Fiji Institute of Technology mai Nadi na gone oqo ka a gole i nakoro kei na nona matavuvale e na vuku ni dua na vakamau.

E ra kidroa na lewe ni koro ni ra rogoca ka ra se sega tug a ni vabauta na leqa e mai yaco.

Sega ni taura rawa na ovisa se lutu vakacava e loma ni taqe ia e kilai ga ni a mateni tu.

Kerea talega na ovisa na nodratou veivuke na mataivalu e wai e na kena nunuvi mai na yago ni mate.

Sa ratou tatau tale tiko na ovisa me dau digitaki vinaka na vanua ni gunu ka me qarauni sara me kua ni yaco na mataqali leqa va’oqo.