Vakatataro na lewe ni lotu

June 11, 2009 01:34:06 PM

• A⁺ 
• A^-
• |
• 
• |
• 
• |
• 

E se sega tu ga ni macala vei ira na lotu Wesele e na tabacakacaka ko Nasinu se na vakayacori na Bose ko Viti se sega.

Vosa tiko e so na lewe ni lotu ka kaya ni ra vinakata e dua na veivakadeitaki mai na lotu e na tikina oqo, dina ga ni sa vakadoroya na matanitu na soqo levu oqo.

“Keitou bau vinakata e dua na veivakadeitaki mai vei ira na neimami i liuliu ni lotu. Na neimami vakavakarau tu e na soqo oqo sa mai tu vakawawa,” e kaya e dua, ka sega ni via vakaraitaka na yacana.

Na nodra vakavakarau e oka tiko kina na vuli sere kei na so na veika lalai me vakayacori kina na kumuni i lavo.

Ia e sa vakaraitaka mai na gusu ni vosa ni matanitu kei na vunivola liu ni minisitiri ni vakau i tukutuku, Neumi Leweni ni sega ni se veisau na lewa ni matanitu e na kena vakadaroi na Bose ko Viti.

E ra vakadarodaro na sotia kei na ovisa ni oti na kena laurai ni sa koto na i tuvatuva me veivosaki taki na veika vakapolitiki e na bose.