Sega ni via vakasuka na lotu Wesele

June 05, 2009 06:22:04 PM

• A⁺ 
• A^-
• |
• 
• |
• 
• |
• 

E kaya na lotu Wesele e na noda vanua ni sega ni na vakarorogo vua na Paraiminisita Voreqe Bainimarama me vakasakei e rua na i liuliu ni lotu vakacegu.

Vakaraitaka na vunivola liu ni lotu, Talatala Tuikilakila Waqairatu ni a vinakata na matanitu me rau biu laivi ko Talatala Manasa Lasaro kei Talatala Tomasi Kanailagi me rawa ni ‘galala na lotu mai na veivosaki vakapolitiki’ e na Bose ko Viti ni yabaki oqo.

“E na gauna oqo, keitou sega ni vabauta ni rau a vakayacora e dua na ka ca.

“E sega ni vinakata na Paraiminisita me keitou tara yani na politiki, ia keitou na kawai tiko e na neitou rai vakayalo vei ira na lewe ni lotu,” e kaya ko Waqairatu.

“E dodonu me nanuma tiko na matanitu na yalo ni loloma kei na yalo ni veiqaravi e na kena vinakata tiko me toso ki liu.”

E sa kerei oti vua na lotu me vakamuria na i vakasala mai na matanitu, o ya me kua ni vakayacori na soqo ni Bose ko Viti e na Okosita.

E a vakadaroi na bose ni oti na kena laurai ni na veivosaki taki tiko na veika vaka politiki e na noda vanua..