.gif)
E lauvana mate e dua na gone i taukei e veiqaravi tiko mai na mataivalu ni Bolatagane na gauna e yadra tiko kina mai na dua na keba mai Afghanistan.
Tukuni ni leqa ko Petero Suesue ka biuta tu mai na watina o Emalaini, tinana o Sisilia, ganena Litiana kei na tacina e tolu Taito, Varasiko kei Jovesa.
Vakadeitaki mai ni sucu mai Levuka ko Suesue ka laki lewena na mataivalu ni Bolatagane e na yabaki 2002.
E vakaraitaka na matavuvale nei Suesue ni dau tu vua na yalo ni veiqaravi kei na veikawaitaki.
“E dua na gone kaukauwa, dau yalo loloma ka dau veivukei. Dina ga ni sa biuti keitou, e sa biuta tu mai qo na yalo ni veikauwaitaki e dau tu vua,” e kaya nona matavuvale.
Se qai vakamau ga o Suesue e na nona gole mai ki Viti na Noveba ni yabaki 2006.
E vakaraitaka e dua na nona i tokani voleka Saimoni Iroi ni o Suesue e dua na dau volekata vakalevu na nona matavuvale.
Tukuna talega na Secretary of State for Defence, John Hutton ni dua na ka na nona rarawa taka na mate nei Suesue, ia e na sega ni guilecavi rawarawa e dua na tamata vakai koya.
