.gif)
E marautaka na vale ni volavola ni matanitu ko Bolatagane e Suva na nodra veitokoni na matavuvale vei ira na luvei Viti e ra veiqaravi tu vakacakacaka e na nodra mataivalu.
Veisiko tiko na bogi na mata mai Bolatagane, Mac Mclachlan vei ira na matavuvale e ra yaco rawa yani e na valer ni soqo na Soqosoqo Vakamarama mai Nabua.
E kaya ko Mac Mclachlan ni sa dua na veivakauqeti levu vei ira na vakailesilesi ni ra dau raica na veitokoni mai na nodra dui matavuvale na cauravou kei na gone yalewa.
Kaya ni sa kilai levu tu na matau ni nodra veiqaravi na cauravou kei na goneyalewa i taukei.
Vakaraitaka tiko ni e na vica ga na macawa sa qai oti qo, e a veisiko mai na keba ko Aldershot ka raica kina na nodra duavata na gone i taukei e na nodra dau veitokoni ka veikawaitaki.
"Au via vakaraitaka tale e dai vei kemuni na i tubutubu o ni tiko rawa ni dau gadrevi vakalevu sara na nomuni veitokoni kei na nomuni veimasulaki.
"E sega ni i tavi rawarawa e ra lai qarava. E tiko na kena veidredre," kaya ko Mac Mclachlan.
E so na i tubutubu e ra vakaraitaka na nodra kawai ni sa rui dau dredre na kena vakatarai me ra lai veisiko vei ira na luvedra.
Sa vakadeitaka ko Mac Mclachlan ni na qai dikevi na tabana oqo.
