.gif)
E tokona na yasana o Macuata na i tuvatuva ni veisau, bula sautu kei na toso ki liu (People’s Charter).
Vakadeitaki mai na veika oqo e na bose ni yasana ka vakayacori tiko mai Labasa e na gauna oqo.
Tukuna na Turaga na Tui Macuata Ratu Aisea Katonivere ni a vakaraitaka raraba na yasana e na yabaki sa oti na nodratou veitokoni, ka ratou vakadeitaka tale e dai.
“Au vakadeitaka ni tokona o Macuata na sasaga ni matanitu qo me da toso ki liu. E levu sara na i tuvatuva ni veivakatorocaketaki e Macuata kei Vanua Levu taucoko e sa vakadavora tu na matanitu
“Keitou na vakayacora na neitou i tavi me keitou veitokoni yani,” e kayak o Ratu Aisea.
Sa kerea talega ko Ratu Aisea vei ira na vo ni yasana e Viti me ra tokona na matanitu me na vinaka kina na noda vanua lomani.
“Sa vakayacora tiko na matanitu na nona i tavi, sa qai vo ga qo o keda me da veitauriliga ka veitokoni,” kaya tale o koya.
Mai tini e dai na bose siga rua ka ra mai vosa tale tikoga e so na i liuliu ni veitabana ni matanitu.
