.gif)
Sa vakayacori e dua na veidigitaki vou vei ira na Roko Tui e na vei vale ni volavola ni yasana taucoko e na noda vanua.
Oqo e sala muria tikoga e dua na i vakasala vou mai na Minisitiri ni vei ka ni i taukei.
Sosomitaki Peni Sokia e na i tutu vaka Roko Tui Lau ko Ratu Josefa Navakaroko, ka dau veiqaravi tu e liu mai Naitasiri.
Sa mai taura o Sokia na i tutu vaka Roko Tui Naitasiri.
Vakadeitaki talega ni sa taura o Samisoni Tuilawaki na i tutu vaka vukevuke ni Roko e Namosi ka sa na taura ko Sakiusa Karavaki na i tutu ni Roko Tui Namosi.
Mai Serua, sa digitaki o Setefano Osonamoli me sosomitaki Ratu Vananalagi Vesikula.
E na taura tikoga ko Joape Nalatu na i tutu ni Roko Tui Tailevu.
E Kadavu, sa digitaki ko Vuniyali Dawai mai Nadi me sosomitaki Osipati Tuicalau.
Sebera ni vakadeitaki mai na yacana na Roko Tui Cakaudrove ia a vukevuke tiko na gauna oqo ko Penijamini Tokaduadua.
Mai Lomaiviti, e taura tiko na i tutu ko Ratu Etonia Seru, na nona ulumatua na Tui Levuka vakacegu, Ratu Kolinio Rokotuinaceva.
Sa digitaki talega ko Viliame Naburenivalu mai Ba me sosomitaki Lote Naitasewa e na i tutu vaka Roko Tui Nadroga.
