Rokova o Rewa na i lakolako vei ira na Peresitedi

May 13, 2009 09:59:38 AM

• A⁺ 
• A^-
• |
• 
• |
• 
• |
• 

E rokova na yasana o Rewa na nodra a cabeti Vale levu na turaga bale mai na yasana o Ba, ka ra lai vakaraitaka na nodra veitokoni vua na Turaga Peresitedi ni noda vanua, Ratu Josefa Iloilo.

Tukuni ni a liutaka na i lakolako oqo ko Ratu Meli Saukuru e na Vakaraubuka sa oti ka ra laki vakaraitaka walega na nodra tokona na veiliutaki ni noda vanua, ka vaka kina na nodra vakatulewa kece na Peresitedi.

Tukuna na vukevuke ni jemeni ni yasana o Rewa Pita Tagicakiverata ni daumaka na i lakolako oya me vaka ni noda i tovo na i taukei me da dau veiraici.

“Keitou sega ni totaka e dua, keitou rokova ga vakalevu na nodratou vakatulewa na turaga bale ni yasana o Ba,” e kaya ko Tagicakiverata.

Tukuna mai na vukevuke ni jemeni ni yasana o Tailevu Adi Samanunu Talakuli, ni na vinaka cake me waraka na bose ni yasana e na i ka 26 ni Me, ni bera ni vakaraitaka mai e dua na ka.

E na oti tiko e na i ka 27 ni Me na bose ni yasana o Tailevu.