Toso na vakatatabu: Leweni

May 13, 2009 09:15:45 AM

• A⁺ 
• A^-
• |
• 
• |
• 
• |
• 

E na toso tale na vakatatabu (Public Emergency Regulation) vei ira na dau ni vola i tukutuku e na noda vanua kevaka e ra sega ni vakamuria na i vakasala mai na minisitiri ni vakau i tukutuku.

Vakaraitaka na veika oqo na i vunivola tudei ni minisitiri ni vakau i tukutuku,
Neumi Leweni.

E vakamatata taka ko Leweni ni sega ni dodonu me ra namaka na dau vola i tukutuku me ra vola i talanoa me vaka e dau vakayacori ni bera ni mai biu na lawa ni vakatatabu e na i ka tini ni Evereli.

“E vakatau saraga vei ira, kevaka ra na muria na i vakasala, e na qai kau laivi na lawa ni vakatatabu. Kevaka ra sega ni via vakarorogo, e na sega ni bokoci laivi na lawa oqo,” e kaya ko Leweni.

Tomana ka kaya ni sa matau vakalevu vei ira na dau ni vola i tukutuku e na noda vanua me ra vola i talanoa ka boroya tu e dua na i yaloyalo ca kei Viti.

“Sa da raica tu ga na i talanoa ni politiki, basu lawa kei na veika ca tale e so,” e kaya ko Leweni.

Tukuna talega ni veisau na nodra rai na lewe ni vanua e na kena mai biu na vakatatabu oqo.