.gif)
E ra na vakacakacaka taki tale e 34 na nasi vakacegu kei na vitu na vuniwai vakacegu me kakua ni leqa na veiqaravi e na tabana ni bula e na noda vanua.
Kaya na vunivola tudei ni minisitiri ni vuli, Dr Sala Saketa ni oqo, e tiki tiko ni i tuvatuva ni minisitiri e na gauna oqo.
Rauta ni 331 na cakacaka vakamatanitu e na tabana ni bula e ra vakacegu mai na nodra i tutu e na i ka 30 ni Evereli.
Oqo e muria tikoga na lawa vou ni noda vanua – o ya me ra vakacegu e na Evereli ni 2009 o ira kece na cakacaka vakamatanitu e ra sa yacova na yabaki 55.
E na i tuvatuva vou ni minisitiri, e ra na vakacakacakataki o ira e ra tauri vola mai na koronivuli ni vuli nasi (FSN), vuli vuniwai (FSM) kei na koronivuli ni vuli nasi mai na vualiku (TISI Nursing School).
