Vakarautaki na vuli tali kuta mai Seaqaqa

May 07, 2009 11:56:42 AM

• A⁺ 
• A^-
• |
• 
• |
• 
• |
• 

E varautaka tiko na tabana ni maroroi tovo ni bula ni taukei e dua ni vuli me vakayacori kina na tali kuta.

Vakaraitaka mai na minisitiri ni vuli ni na vakayacori tiko mai Seaqaqa na vuli oqo mai na i ka va ki na i ka walu ni vula o Me.

Namaki me ra na tiko ena vuli oqo e rauta ni 39 na mata mai na va na tikina ko Dreketi
Seaqaqa, Macuata kei Sasa.

E dau kilai tani tu na marama ni Bua kei Macuata mai Vanua Levu e na nodra dau tali kuta.

Na kuta e ra dau dara talega vakalevu na marama ni Tonga matanisiga ka dau I yaya mareqeti talega vei keda na i taukei.

Vakadeitaki mai ni sa dua tale tikoga na makete ni kuta mai Mereke, na vanua e ra sa vakacili tu kina vakalewe levu na kai Tonga e na gauna oqo.

Oqo se qai kena i ka rua ni vuli me vakayacora va qo na minisitiri, ke na i matai e a vakayacori mai Bureta, Ovalau e na kena vakayacori na tali na basikete na ‘wa mere’.

E a veivakatavulici e na vuli oqo e dua na marama ni Vugalei mai Tailevu.
Kauwai tiko na minisitiri de na qai yali laivi yani e so na kila vaka oqo.