.gif)
E vakaraitaka na Paraiminisita Komodoa Voreqe Bainimarama ni rawa ni na walia ga na leqa nei Viti na Yavu ni noda toso ki liu (People’s Charter).
Vosa tiko ko Bainimarama mai Indonesia e na nodra bose na lewe ni baqe ni veivakatarocaketaki e Esia (Asian Development Bank).
Kaya ni dina ga ni levu sara na dredre e sotavi tiko e na noda vanua, sa tu vakarau na matanitu me na walia na leqa nei Viti e na kena vakayagataki na Yavu vou oqo.
“Vei kemuni na sega ni kila, na i tuvatuva qo e sa vakarautaki tu me walia vakatabakidua na leqa kece vakapolitiki, vakailavo kei na veileqa tale e so kei Viti.
“Na i naki levu ni tuvatuva oqo, o ya na kena sagai me tarai cake o Viti me dua na vanua ni tiko sautu, me yali kina na veivakaduiduitaki, ka kune na bula vaka demokarisi,” e kaya ko Bainimarama.
E tiko talega e na Yavu oqo na gagadre me toso cake na noda bula vakailavo kei na kena sagai me kau laivi na dravudravua e na noda vanua.
Kaya tale ni sa nuitaka tu na matanitu na veivuke vakailavo mai na baqe ni veivakatarocaketaki e Esia me rawata kina na vei sasaga oqo.
