.gif)
E ra veisiko e Valelevu na macawa oqo na vanua vakaturaga o Vuda ka ra vakaraitaka vei ira na Peresitedi Ratu Josefa Iloilo na nodra veitokoni e na veiliutaki ni noda vanua.
Liutaka na siko ni vanua na Taukei Sauwaieke Ratu Tevita Momoedonu.
Tukuna ko Ratu Tevita ni ra vakarautaka yani na ibe kei na kakana e na nodra lai vakaraitaka na nodra veitokoni.
“Keitou tokona na kena vinakati me veisautaki na i tuvatuva ni veidigidigi e na 2014.
“Au via tukuna vakararaba talega e ke ni gadrevi vakalevu na veitokoni vua na turaga na Peresitedi,” e kaya ko Ratu Tevita.
Tomana ka kaya ni ratou tokona na nodra vakatulewa kece na turaga na Peresitedi.
