.gif)
E tinikadua walega na pasede ni gonevuli i taukei e na noda vanua e ra vakaotia vakavinaka na fomu vitu ka ra dewa sara yani e na vuli toro cake.
Vakaraitaka na veika oqori ko Graham McCulloch, ka lewena tiko na matabose levu ni vuli e vuravura.
E a vulagi dokai ko McCulloch e na nona a dolava na nodra soqo na qasenivuli i taukei e Suva e na noa.
Tukuna ko McCulloch ni na mataqali vanua vaka i Viti e dodonu me ra qacoya vakalevu na vuli toro cake.
“Ruasagavulu walega na pasede ni tuvatuva ni lavo e vagolei e na vuli. Mai na ruasagavulu ya, e rauta ga ni 16 na pasede e vagolei ki na vuli toro cake.
“E gadrevi me levu tale na i lavo me vagolei ki na vuli toro cake ka me rawa ni toso kina na i vakatagedegede ni vuli kei na kila vakacakacaka e Viti,” e kaya ko McCulloch.
Kaya tale ni na vakatulewa cala ga e dau vakavuna kina me ra tu ga e muri na mataqali vanua vaka i Viti, me vaka ni sega soti ni levu e ra rawata na vuli toro cake.
Na mai cava tiko na bose e na Vakaraubuka oqo.
