.gif)
Ra namaka na lewe ni lotu Wesele e na yasana ko Rewa me na dua na soqo vinaka na koniferedi kei na Bose ko Viti e na yabaki oqo.
E se qai matai ni gauna me na veiqaravi kina na yasana ko Rewa e na soqoni levu oqo.
Vakaraitaka mai na jemeni ni komiti ni vakavakarau, Pita Tagicakiverata ni sa ra duavata tu na lewe ni yasana e na kena marau taki na soqo oqo.
“E vica vata na matalotu i Rewa, ia keimami sa tokona kece e na neimami vakavakarau kina soqoni levu oqo.
“Sa ra kila tu na dui korokoro kei na tikina na nodra i tavi ka ra sa maqusa sara kina,” kaya ko Tagicakiverata.
Tomana tale ko koya ka kaya ni ra dodo liga mai vakalevu na kai Rewa e ra tu mai e na vei yasa i vuravura.
“Nuitaki tiko ni na dua na soqo lagilagi vei keda kece na lewe i Viti, vakauasivi e na noda sotava tiko e dua na gauna dredre sara e na noda vanua.
“Vinakati vakalevu me vakadei taki tiko na noda vabauta vua na Kalou ka ni sega ni dua na ka e dredre vua,” tukuna tale o Tagicakiverata.
Na lotu Wesele e matalotu levu duadua tiko e na noda vanua e na gauna oqo.
