.gif)
E toboka rawa na tabana ni bula mai na vualiku ni levu na taukei ni sitoa e ra volitaka tiko na kakana e sa sivi tu na gauna ni kena vakayagataki.
Ra bau volitaki tale tu ga na kakana e sa kabasu tu na kena valasitika se na kakana tawa i tini , e sa veveka tu.
Sa ra veivosaki tiko na gauna oqo na i vakailesilesi ni tabana ni bula kei ira na i taukei ni sitoa e na kena cala vakalawa na veika e vakayacori tiko.
Sa tukuni vei ira ni kevaka e na tobo tale na i vakarau ca oqo, e rawa ni ra veilewai taki ka sauma e $15,000.
Kaya na gusu ni vosa ni tabana ni bula, Iliesa Tora ni sega ni dodonu na veika e vakayacori tiko qo ka sa dodonu me ra qaqarauni sara vakavinaka na taukei ni bisinisi.
Kaya ni rawa ni vakavuna na tauvimate levu se na mate na mataqali kakana e ra volitaki tu va ya.
