.gif)
E ra vaqara tiko na ovisa na gauna qo e tolu na tagane vabauti ni ratou vesuka e dua na yadra, yabaki 49, ka mokulaka me yacova ni mate.
Yaco na veika oqo e na dua na vanua ni ta kau mai Savusavu ka ratou butakoca na lewe tolu oqo e rauta ni $14,000.
Vakaraitaka na gusu ni vosa ni ovisa Atunaisa Sokomuri ni ratou sa dro na lewe tolu oqo ki na vei ulu ni vanua mai Naqere.
“Keitou sa kilai eratou tiko ka ratou sa na vesu mai e na dua na gauna lekaleka ga oqo.
“Sa ni vakasala taki tale tikoga na lewe ni vanua ni cala vaka lawa na nodra maroroi o ira e ra sa basuka na lawa,” kaya ko Sokomuri.
E a vakatawana tiko ko Sheik Mohammed Hassan na vanua ni ta kau koya kei na luvena qase duadua ni bera ni yaco na leqa oqo, ni oti toka ga na tinikadua e na bogi ni Sigatabu.
Tukuna talega ko Sokomuri ni ratou a vakayagataka na lewe tolu oqo na i sele kava.
“E ratou vesuka vata na ligana kei na yavana nib era ni ratou vamokulaki koya. Oti ya e ratou qai curuma na vale ni volavola nei taukei ni vanua ya ka butakoca e rauta ni $14,000.”
