.gif)
Vakaraitaka ko Paraiminisita Komodoa Voreqe Bainimarama ni a bokoci na Yavu ni Vakavulewa ni 1997 ni oti na kena dikevi ni lewe levu sara e ra vinakata me veisautaki na i vakarau ni veidigidigi e na noda vanua.
E kaya ni rauta e 64 na pasede e ra vinakata na veisau.
Kaya ni na lewa ni mataveilewai na macawa sa ni sega ni vakalawataki tu na nona matanitu, e sega ni taura vakabibi na kena ra gadreva na lewenivanua na veisau oqo.
Kaya o Bainimarama ni ratou saga ga na turaga ni lewa e tolu me vakayacori na veidigidigi e Viti.
Tukuna ni sega ni ciqoma na lewa ni mataveilewai ka levu sara na lewe ni vanua e ra vinakata na veisau vaka politiki.
“Keimami vinakata na veisau, e na yaco ga na veisau oqo.”
Tomana ka kaya ni a vakaduri na i tuvatuva e na gauna ni leqa tubu koso (Public Emergency Regulation) me rawa ni vakayacori e so na veisau.
Vakadeitaka ni na vakayacori na veidigidigi e na Seviteba ni 2014 ka rawa ni na bokoci laivi na i tuvatuva vei ira na dau vola i tukutuku e na noda vanua.
