.gif)
E tu vakadua na veiqaravi ena vale ni veilewai ena noda vanua edai ena kena waraki tiko na nodra lesi vou na turaga kei na marama ni lewa.
E vakaraitaka na dau ni lawa ni matanitu ko Aiyaz Sayed-Khaiyum ni waraki tiko na ivakaro se lawa vou mai vei ira na turaga Peresitedi ko Ratu Josefa Iloilo.
Tauri rawa na itukutuku ni na via tadre toka na nodra veiqaravi na dau ni lawa ena noda vanua baleta ni ra vosa bubului kina Yavu Ni Vakavulewa ni 1997 ka sa bokoca na Peresitedi ena Vakaraubuka sa oti.
E kaya na liuliu ni soqosoqo ni loya ena noda vanua ko Dorsami Naidu ni ra sa vakasalataki na lewe ni soqosoqo ni na cala vakalawa na nodra veiqaravi ena lawa vou ni matanitu tuvakawawa.
E tauri talega vakavesu edua na dau ni vola tukutuku ni retio yaloyalo ena vuku ni veika e tabaka me baleta na matanitu vou ka sa mai veiliutaki tiko.
Kaya e dua na vakalesilesi ni matanitu tuvakawawa ni ra sega ni vinakata me rogo se wiliki na itukutuku ka na vakaleqa na tosotoso vou ka sa tuvana tu na matanitu veiliutaki vakaivalu.
