.gif)
Sa mai tau na kedratou i totogi na walu na sotia kei na dua ovisa e na mata vei lewai e cake mai Lautoka.
Tauca na kedratou i totogi ko turaga ni lewa Daniel Goundar me ratou yabaki va e vale ni veivesu.
Oqori ko Patrick Nyacalagilagi, Taione Lua, Ulaiasi Radike, Etonia Nadura, Ratunaisa Toutou, Joeli Lesavua, Jona Nareki, Ilaisa Kurimavua, kei Napolioni Naulia e rautou beitaki ni ratou vakamatei Sakiusa Rabaka ena keba ni tereni ni mataivalu mai Nadi, na vatu loaloa.
Oqo ni oti tiko ga na vuaviri ni matanitu nei Laisenia Qarase e na Tiseba ni 2006.
E kaya ko Goundar ni dina ga ni rawa ni vakadinadina taka ni a vesu mai o Rabaka kei ira na nona i tokani e na vuku ni kena maroroi tiko na lawa, e ratou a basu lawa tale na gauna eratou veimoku kina.
Kaya tale ni ratou a vayacora e dua na i tovo levu vei iratou na cauravou.
E marau na marama na tinai Rabaka ka kaya ni sa dua na ka na nodratou waraka tu vamatavuvale me tau na i totogi ni mataveilewai.
