.gif)
E sega ni dua vei ira na cakacaka e na sitoa ni Morisi mai Labasa e na vakaleqai na nona cakacaka.
Vakadeitaka mai na manidia levu ni Morisi, Daniel Whippy ni ra na cakacaka tikoga na tamata cakacaka i kea ni sa na varau dola qo e dua tale na tabana vou e Labasa.
E a kama na sitoa levu oqo na bogi ni Vakarauwai ka se toso tikoga na veivaqaqai ni ovisa e na tabana oqori.
Dina ga ni a kama kece na sitoa kei na i yaya kece e loma, e ra tarova rawa na dau boko buka na kena toso na yameyame e na vei sitoa tale e so e na loma ni taoni.
Kaya o Whippy ni ratou namaka tiko na vacaca me tiko na kena i sau vakailavo e na milioni vaka milioni na dola.
Sega ni dua e mavoa se vakaleqai na nona bula.
