.gif)
E vakadinadina taka na minisitiri ni bula e na noda vanua ni ratou a cala ga na gauna e soli cala kina e dua na yago ni mate ki vua e dua na matavuvale mai Beqa.
E ratou a gole yani e na valenibula e Navua e dua na matavuvale mai Namosi me lai kau mai na wekadratou e sa leqa e tiko na nona yabaki ni bula e na 66.
Na gauna e ratou yaco yani kina, e a qai kilai ni sa soli oti na yagona na wekadratou ki vua e dua na vuvale mai Beqa.
Kau cala sara na yago ni mate ka lai bulu sara i Beqa.
Sa vakayacora oti na tabana ni bula na veivaqaqai ka sa tiko na ripote vua na vunivola levu ni tabana ni bula.
E sa kerea na minisita vakatawa Dr Neil Sharma me ra dau qarauna vakavinaka na i vakalesilesi e valenibula na nodra cakacaka me kua kina ni dau basika na mataqali leqa va qo.
Sa lai vakayacori oti e Beqa na matanigasau kei na kena veiqaraqaravi vakavanua e so me kau tale main a yago ni mate.
